𝗗𝗼𝘄𝗹𝗮𝗱𝗱𝗮 𝗦𝗼𝗼𝗺𝗮𝗮𝗹𝗶𝘆𝗮 𝗮𝘆𝗮𝗮 𝗱𝗮𝗹𝗸𝗮 𝗱𝗶𝗯 𝘂𝗴𝘂 𝘀𝗼𝗼 𝗰𝗲𝗹𝗶𝘀𝗮𝘆 𝟭𝟱𝟬 𝗸𝗮 𝗺𝗶𝗱 𝗮𝗵 𝗺𝘂𝘄𝗮𝗮𝗱𝗶𝗻𝗶𝗶𝗻𝘁𝗮 𝗦𝗼𝗼𝗺𝗮𝗮𝗹𝗶𝘆𝗲𝗲𝗱 𝗲𝗲 𝗸𝘂 𝗴𝗼,𝗱𝗼𝗼𝗻𝘀𝗮𝗻𝗮𝗮 𝗰𝗼𝗹𝗮𝗮𝗱𝗮 𝗸𝗮 𝘁𝗮𝗮𝗴𝗮𝗻 𝗱𝗮𝗹𝗸𝗮 𝗦𝘂𝘂𝗱𝗮𝗮𝗻

𝗠𝘂𝗾𝗱𝗶𝘀𝗵𝗼 𝟯𝟬 𝗔𝗽𝗿𝗶𝗹 𝟮𝟬𝟮𝟯—Ra’iisul Wasaare Ku-xigeenka Xukuumadda Federaalka Soomaaliya Mudane Salah Jama oo ay wehiliyaan xubno ka mid ah guddiga loo xil-saaray samatabixinta muwaadiniinta Soomaliyeed ku xaniban dalka Suudan ayaa Garoonka Aadan Cadde ee Magaalada Muqdisho ku soo dhaweeyey muwaadiniin ay Dowladda Soomaaliya dalka dib ugu soo celisay, kuwaas oo ku go’doon sanaa dagaallada ka socona dalka Suudaan.

Muwaadiniinta oo ka kooban 150 qof ayaa 72 ka mid ah laga dajiyey magaalada Garoowe, halka 78 ka mid ahna laga soo dejiyey Muqdisho, iyaga oo safar dheer oo xagga lugta ah ay ku soo galeen dalka Ethopia oo Dowladda Soomaaliya ay ka soo daad gureysay.

Ra’iisul Wasaare ku-xigeenka oo ku boggaadiyey shaqada ay qabteen guddiga soo celinta muwaadiniinta ku xayirmay dagaalka Suudaan, ayaa sheegay in Xukuumaddu dadaal xoogan galinayso sidii guud ahaan muwaadiniinta Soomaaliyeed ee ku xayiran Suudaan ay si nabad ah dalka ugu soo celin doonto.

–DHAMMAAD—-

Wixii Faah-faahin ah kala xiriir

Afhayeenka Xukuumadda, ahna Agaasimaha Warfaafinta iyo Xiriirka Dadweynaha XRW

Farxaan Maxamed Jimcaale

farhan.jimale@opm.gov.so

media@opm.gov.so

Muqdisho, Soomaaliya

www.opm.gov.so

Twitter:

@SomaliPM

Facebook:

OPMSomalia

instagram:

opmsomalia