𝗥𝗮’𝗶𝗶𝘀𝘂𝗹 𝗪𝗮𝘀𝗮𝗮𝗿𝗲 𝗞𝘂 𝘅𝗶𝗴𝗲𝗲𝗻𝗸𝗮 𝗼𝗼 𝗸𝗮 𝗾𝗲𝘆𝗯 𝗴𝗮𝗹𝗮𝘆 𝘀𝗵𝗶𝗿 𝗹𝗼𝗼𝗴𝗮 𝗵𝗮𝗱𝗹𝗮𝘆𝗮𝘆 𝗔𝗿𝗿𝗶𝗺𝗮𝗵𝗮 𝗚𝗮𝗿𝗴𝗮𝗮𝗿𝗸𝗮

Muqdisho 6 February 2023—Ra’iisul Wasaare Ku-xigeenka Xukuumadda Federaalka Soomaaliya Mudane Saalax Axmed Jaamac ayaa maanta furay shir heerkiisu sareeyo oo looga hadlayey Arrimaha bani’aadannimo ee dalka.

Mudane Saalax ayaa uga mahadceliyey hay’adaha caalamiga ah taageerada ay siiyaan shacabka Soomaaliyeed, isaga oo intaas ku daray in goobaha u baahan in deg-deg lagu gaarsiiyo gargaar ay ugu horreeyaan deegaannadii dhowaan laga xoreeyey kooxaha Khawaarijta ah.

Ra’iisul Wasaare ku-xigeenka ayaa xusay in weli ay jiraan dad badan u baahan in gurmad la gaarsiiyo, maadaama ay hantidoodii dhaafiyeen abaaraha iyo cunaqabateynta ay khawaarijtu saartay.

Shirkan oo ay fududeysay hay’adda Maareynta Maareeynta Masiibooyinka SODMA ayaa waxaa ka qayb-galay Wasiirrada Gargaarka ee Dowlad Gobolleedyada dalka, xubno ka socday Qaramada Midoobay, Deeq bixiyaasha, Safiirro iyo mas’uuliyiin ka socday hey’adaha caalamiga ah.

—DHAMMAAD—-

Wixii Faah-faahin ah kala xiriir

Afhayeenka Xukuumadda, ahna Agaasimaha Warfaafinta iyo Xiriirka Dadweynaha XRW

Farxaan Maxamed Jimcaale

farhan.jimale@opm.gov.so

media@opm.gov.so

Muqdisho, Soomaaliya

Twitter:

@SomaliPM

Facebook:

OPMSomalia

instagram:

opmsomalia