𝗥𝗮’𝗶𝗶𝘀𝘂𝗹 𝗪𝗮𝘀𝗮𝗮𝗿𝗲 𝗞𝘂 𝗫𝗶𝗴𝗲𝗲𝗻𝗸𝗮 𝗮𝘆𝗮𝗮 𝘅𝗮𝗿𝗶𝗴𝗮 𝗸𝗮 𝗷𝗮𝗿𝗮𝘆 𝘅𝗮𝗿𝘂𝗻𝘁𝗮 𝗰𝘂𝘀𝘂𝗯 𝗲𝗲 𝗵𝗮𝘆’𝗮𝗱𝗱𝗮 𝗦𝗢𝗗𝗠𝗔

𝗠𝘂𝗾𝗱𝗶𝘀𝗵𝗼 𝟭𝟲, 𝗔𝘂𝗴𝘂𝘀𝘁, 𝟮𝟬𝟮𝟯— Ra’iisul Wasaare Ku-Xigeenka XFS Mudane Salah Jama ayaa xarigga ka jaray xarunta cusub ee Hay’adda Maaraynta Musiibooyinka Soomaaliyeed ee SoDMA.

Ra’iisul Wasaare Ku-Xigeenka oo ka hadlay munaasibadda ayaa ku bogaadiyay Hay’adda Maaraynta Musiibooyinka hawlaha baaxadda leh ee ay qabatay muddada sannadka ah ee ay jirtay iyo sida ay heeganka ugu jiraan inay taakuleeyaan shacabka Soomaaliyeed.

Sannadkii hore bishii Ogoosto ayay Xukuumadda Dan-Qaran dib u hawl-gelisay Hay’adda Maaraynta Musiibooyinka, si looga badbaado abaaro baahsan oo dalka markaas ka jiray iyo macluul laga cabsi qabay.

Ra’iisul Wasaare Ku-Xigeenka ayaa kula dardaarmay masuuliyiinta iyo hawl-wadeennada Hay’adda inay doorkooda ka qaataan dagaallada lagula jiro Khawaarijta iyagoo xoogga saaraya dhinacyada xasilinta iyo taageerada dadka ku nool deegaannada laga xoreeyey cadowga.