𝗥𝗮’𝗶𝗶𝘀𝘂𝗹 𝗪𝗮𝘀𝗮𝗮𝗿𝗲 𝗞𝘂-𝘅𝗶𝗴𝗲𝗲𝗻𝗸𝗮 “𝗞𝗵𝗮𝘄𝗮𝗮𝗿𝗶𝗷𝘁𝗮 𝗴𝗮𝗯𝗯𝗮𝗹𝗸𝗼𝗼𝗱𝗶𝗶 𝘄𝘂𝘂 𝗱𝗵𝗮𝗰𝗮𝘆, 𝘄𝗮𝗮𝗻𝗮 𝗹𝗮𝗴𝗮 𝗮𝗱𝗸𝗮𝗮𝗻 𝗱𝗼𝗼𝗻𝗮𝗮 𝘄𝗮𝗸𝗵𝘁𝗶𝗱𝗵𝗮𝘄”.

𝗠𝘂𝗾𝗱𝗶𝘀𝗵𝗼 𝟯, 𝗦𝗲𝗽𝘁𝗲𝗺𝗯𝗲𝗿, 𝟮𝟬𝟮𝟯—- Ra’iisul Wasaare Ku-xigeenka Xukuumadda Federaalka Soomaaliya Mudane Saalax Axmed Jaamac ayaa galabta ka qeyb galay dibad-bax lagu taageerayo Ciidanka Qaranka ee dagaalka kula jira Khawaariijta.

Shacabka ku dhaqan 17-ka degmo ee gobolka Banadir oo isugu soo baxay barxadda Dalkjira Daahsoon ayaa cod dheer ku sheegay inay barbar taagan yihiin ciidankooda qalabka sida iyagoo ballan qaaday inay is abaabuli doonaan xoojinna doonaan wada-shaqaynta iyo garab istaagga Ciidanka.

Raiisul Wasaare Ku-xigeenka oo shacabka kula hadlayay faraagaraha daljirka ayaa sheegay in Khawaariijta gabbalkoodii dhacay lagana adkaan doono wakhti aan fogayn, isagoo ku ammaanay maamulka Gobolka Banaadir iyo shacabka ku dhaqan caasimadda Muqdisho kaalinta muuqata ee ay ku leeyihiin taageerada halganka dalka looga xoreynayo cadawga ummadda Soomaaliyeed.