𝗥𝗮’𝗶𝗶𝘀𝘂𝗹 𝗪𝗮𝘀𝗮𝗮𝗿𝗲 𝗞𝘂 𝗫𝗶𝗴𝗲𝗲𝗻𝗸𝗮 𝗗𝗮𝗹𝗸𝗮 𝗮𝘆𝗮𝗮 𝗴𝗮𝗹𝗮𝗯𝘁𝗮 𝗾𝗮𝗮𝘁𝗮𝘆 𝗸𝗮𝗮𝗿𝗸𝗮 𝗮𝗾𝗼𝗼𝗻𝘀𝗶𝗴𝗮 𝗱𝗮𝗱𝘄𝗮𝘆𝗻𝗮𝗵𝗮

𝗠𝘂𝗾𝗱𝗶𝘀𝗵𝗼 𝟮𝟬, 𝗦𝗲𝗽𝘁𝗲𝗺𝗯𝗲𝗿 𝟮𝟬𝟮𝟯—-Ku simaha Ra’iisul Wasaaraha ahna Ra’iisul Wasaare Ku Xigeenka Xukuumadda Jamhuuriyada Federaalka Soomaaliya, Mudane Saalax Axmed Jaamac, ayaa galabta qaatay kaarka Aqoonsiga dadweynaha, isaga oo sheegay in hirgelinta kaarka Aqoonsiga uu xal u noqon doono caqabado badan oo bulshadeenna haysta.

Ra’iisul Wasaare Ku Xigeenka ayaa tilmaamay muhiimadda uu kaarkan u yeelan doono bulshada Soomaaliyeed gaar ahaan duruufaha amni oo ah caqabadda ugu wayn ee hadda dalkeenu la tacaalayo, isagoo intaa ku daray hadda wixii ka danbeeya qof kasta oo muwaadin ah yeelan doono sumad iyo meel xogtiisa loo raaco.

Gabogabadii Ra’iisul Wasaare Ku Xigeenka, ayaa ku bogaadiyay hay’ada NIRA shaqada waddo isagoo kula dardaarmay inay halkaa ka sii wadaan dadaalka, isla markaana Xukuumadda #DanQaran muhiimad gaara siin doonto sidii loo gaarsiin guud ahaan dalka.