𝗥𝗮’𝗶𝗶𝘀𝘂𝗹 𝗪𝗮𝘀𝗮𝗮𝗿𝗲 𝗞𝘂 𝗫𝗶𝗴𝗲𝗲𝗻𝗸𝗮” 𝗫𝘂𝗸𝘂𝘂𝗺𝗮𝗱𝗱𝗮 𝘄𝗮𝘅𝗮 𝗸𝗮 𝗴𝗼’𝗮𝗻 𝘅𝗮𝗾𝗶𝗶𝗷𝗶𝗻𝘁𝗮 𝗱𝗼𝗼𝗿𝗸𝗮 𝗵𝗮𝘄𝗲𝗲𝗻𝗸𝗮 𝗦𝗼𝗼𝗺𝗮𝗮𝗹𝗶𝘆𝗲𝗲𝗱 𝗮𝘆 𝗸𝘂𝗹𝗲𝗲𝘆𝗶𝗵𝗶𝗶𝗻 𝘀𝗶𝘆𝗮𝗮𝘀𝗮𝗱𝗱𝗮 𝗶𝘆𝗼 𝗺𝗮𝘁𝗮𝗹𝗹𝗮𝗮𝗱𝗱𝗮 𝗴𝗼𝗹𝗲𝘆𝗮𝗮𝘀𝗵𝗮 𝗱𝗼𝘄𝗹𝗮𝗱𝗱𝗮”

𝗠𝘂𝗾𝗱𝗶𝘀𝗵𝗼, 𝟭𝟰 𝗢𝗸𝘁𝗼𝗼𝗯𝗮𝗿 𝟮𝟬𝟮𝟯—-Ra’iisul Wasaare Ku-xigeenka Xukuumadda JFS Mudane Saalax Axmed Jaamac, ayaa sheegay in Xukuumadda Soomaaliya ay ka go’an tahay xaqiijinta doorka haweenka Soomaaliyeed ay ku leeyihiin siyaasadda iyo matallaaddooda ku aaddan goleyaasha dowladda.

Ra’iisul Wasaare Ku-xigeenka oo ka qeyb galay munaasabad looga hadlayey waafajinta sharciga dalka ee qoondada matallaadda haweenka ee boqolkiiba 30, ayaa ku ammaanay haweenka Soomaaliyeed ee  ku jira goleyaasha dowladda dadaalka ay ugu jiraan in dumarku ay si fiican uga dhex muuqdaan siyaasadda dalka.

Mudane Saalax ayaa tilmaamay in Haweenka Soomaaliyeed ay halbowle u yihiin horumarka iyo dib u soo kabashada Soomaaliya, gaar ahaan dagaalka cadowga looga xoreynayo dalka iyo dhinacyada kala duwan ee adeegyada bulshada.

Kulanka oo ay soo qaban-qaabiyeen Kutladda Haweenka ee Golaha Shacabka ee BFS, ayaa waxaa ka qeyb galay Guddoomiye ku-xigeenka labaad ee Baarlamaanka F.S Mudane Cabdullaahi Cumar Abshirow, Wasirro, Xildhibaanno iyo masuuliyiin ka tirsan goleyaasha dowladda.

—𝗗𝗛𝗔𝗠𝗠𝗔𝗔𝗗 —

Wixii Faah-faahin ah kala xiriir

Afhayeenka Xukuumadda, ahna Agaasimaha Warfaafinta iyo Xiriirka Dadweynaha XRW

Farxaan Maxamed Jimcaale

farhan.jimale@opm.gov.so

media@opm.gov.so

Muqdisho, Soomaaliya

www.opm.gov.so

Twitter:

@SomaliPM

Facebook:

OPMSomalia

Flickr

https://www.flickr.com/people/opmsomalia/

instagram:

opmsomalia