𝗥𝗮’𝗶𝗶𝘀𝘂𝗹 𝗪𝗮𝘀𝗮𝗮𝗿𝗲 𝗫𝗮𝗺𝘀𝗲 𝗼𝗼 𝘅𝗮𝗿𝗶𝗴𝗴𝗮 𝗸𝗮 𝗷𝗮𝗿𝗮𝘆 𝗱𝗵𝗶𝘀𝗺𝗮𝗵𝗮 𝗰𝘂𝘀𝘂𝗯 𝗲𝗲 𝗪𝗮𝗸𝗮𝗮𝗹𝗮𝗱𝗱𝗮 𝗪𝗮𝗿𝗮𝗿𝗸𝗮 𝗦𝗢𝗡𝗡𝗔

Muqdisho 5 January 2023—Ra’iisul Wasaaraha Xukuumadda Federaalka Soomaaliya Mudane Hamza Abdi Barre, ayaa maanta xarigga ka jaray dhismaha cusub ee Wakaaladda Wararka Soomaaliyeed ee SONNA.

Wakaaladda oo u dabaaldageysa sanadguurada 59aad ee markii la aasaasay, ayaa Ra’iisul Wasaaruhu waxa uu ugu hambalyeeyay shaqaalaha iyo madaxda SONNA shaqada qurxoon ee ay u soo qabteen Qaranka Soomaaliyeed mudadaasi ku dhaw lixdanka sano.

Ra’iisul Wasaaraha ayaa kormeeray qaybaha kala duwan ee Wasaaradda Warfaafinta, isla markaana siiyay Telefishinka Qaranka wareysigii ugu horreeyay tan iyo markii uu qabtay xilka, kaasi oo uu kaga hadlay xaaladda guud ee dalka gaar ahaan amniga iyo siyaasadda.

Mudane Xamse Cabdi Barre ayaa kulan la qaatay Wasiirka, Wasiir Ku xigeenka iyo Agaasimeyaasha Wasaaradda Warfaafinta, oo uu ku ammaanay hawsha wanaagsan ee ay qabteen la dagaallanka fikirka xagjirka iyo dagaalka ka dhanka ah kooxaha Khawaariijta.

 

—DHAMMAAD—-

Wixii Faah-faahin ah kala xiriir

Afhayeenka Xukuumadda, ahna Agaasimaha Warfaafinta iyo Xiriirka Dadweynaha XRW

Farxaan Maxamed Jimcaale

farhan.jimale@opm.gov.so

media@opm.gov.so

Muqdisho, Soomaaliya

www.opm.gov.so

Twitter:

@SomaliPM

Facebook:

OPMSomalia

instagram:

opmsomalia