𝗥𝗮’𝗶𝗶𝘀𝘂𝗹 𝗪𝗮𝘀𝗮𝗮𝗿𝗲 𝗫𝗮𝗺𝘀𝗮 𝗮𝘆𝗮𝗮 𝗸𝘂𝗹𝗮𝗻 𝗹𝗮 𝗾𝗮𝗮𝘁𝗮𝘆 𝘀𝗮𝗿𝗮𝗮𝗸𝗶𝗶𝗹 𝗸𝗮 𝘁𝗶𝗿𝘀𝗮𝗻 𝗰𝗶𝗶𝗱𝗮𝗻𝗸𝗮 𝘅𝗼𝗼𝗴𝗮 𝗱𝗮𝗹𝗸𝗮𝗼𝗼 𝘁𝗮𝗯𝗼𝗯𝗮𝗿 𝘂𝗴𝗮 𝘀𝗼𝗰𝗱𝗼 𝗱𝗮𝗹𝗸𝗮 𝗤𝗮𝗱𝗮𝗿

𝗗𝗼𝗵𝗮 𝟴, 𝗦𝗲𝗽𝘁𝗲𝗺𝗯𝗲𝗿, 𝟮𝟬𝟮𝟯—Ra’iisul Wasaaraha Xukuumadda Jamhuuriyadda Federaalka Soomaaliya, Mudane Hamza Abdi Barre, ayaa  magaalada Doha ee dalka Qatar, kula kulmay Saraakiil ka tirsan Ciidanka Xoogga Dalka Soomaaliyeed oo uu halkaas tababar uga soconayo.

Ra’iisul Wasaaraha ayaa la wadaagay Saraakiisha rajada shacabka Soomaaliyeed ay ka qabaan ee ah in ay hormuud u noqodaan howlgallada socda ee xoreynta dalka.

Ra’iisul Wasaare Xamsa ayaa Dowladda Qatar uga mahad-celiyey taageerada kala duwan ee ay siiso Soomaaliya, gaar ahaan soo saaridda saraakiil tayo sare leh oo kamid noqda Ciidanka Xoogga Dalka Soomaaliyeed.